I'm Faith Mtyida-Ngandi

IUgama lam ndinguFaith Buyiswa Mtyida-Ngandi. Ndizalelwe kwidolophu yaseMthatha. Ndisuka kwilali yaseSigubudwini ephantsi kwidolophu uMthatha. Amabanga am emfundo ephantsi ndiwenzele eSigubudwini J.S.S., ndafunda naseLittle Flower J.S.S., ndagqibezela e-Ixopho High School. Ndiqhubekile ndayokutsho eVarsity College ndayokwenza izifundo zam zePublic Relations. Emveni koko ndixelenge kwiinkampani ezininzi eRhawutini ndafumana ulwazi oluninzi apho, ukubalula nje ezimbalwa ndixelenge eUniversal Music (South Africa) nase TS Records ndaze ndabuyela eMpuma Koloni ndafika ndaxelenga iminyaka eyi-14 kumzi wosasazo Umhlobo Wenene FM. Ndingumthandi wolwimi lwesiXhosa, ndingumthandi wezemidlalo yeqonga, kwaye lelona phupha lam elo ukuba ndibe nomdlalo weqonga oya kuze uphume kwesi sandlana sam sisakhasayo kubhalongqangi. Ndithe ngokumane ndibhala ndaqonda ukuba mandikhe ndibhale le mibongo ukuze ndidlale eyam indima ekulondolozeni ulwimi lwethu lwesiXhosa. Ndiyathemba ukuba noko kukhona eniya kukuzuza kule mibongo. Kwiititshala neetitshalakazi zam zonke ukuqala eSigubudwini J.S.S. uMisi Gajana, Misi Zembe, Misi Silinga, Misi Mtyida, eLittle Flower uMisi Mthetho, Misi Ngcai, Misi Ziphethe, Misi Mlandu, Misi Khawuleza, noMisi Cassels iNqununu yam usisi Daniels, kwakunye nabaseXopo xa ninonke nindakhile ndangumntu bazali bam. Enkosi!