I'm Sivuyile Michael Qeqe

Mna ndinguSivuyile Michael Qeqe, ngokuzalwa ndaazalelwa kumhlaba wakwaNdlambe eSada ngomnyaka ka1984 kwinyanga kaCanzibe ngomhla we23. Ngomnyaka ka1985 umama wam uye wafumana umsebenzi eBhayi kwaze kwanyanzeleka ukuba nam ndifudukele khona. Ngomnyaka ka1990 ndiye ndafumana ukonzakala ndagilwa yimoto. Ngomnyaka ka1997 kulapho ndaqala khona ukubangumbhali. Ngomnyaka ka2011 ndakhupha incwadi yam yokuqala ethi UMTHOMBO WENGQIQO endayipapasha ngoncedo lweSebe Lezobugcisa Nezenkcubeko. Ngo2014 ndakhupha incwadi yam yesibini ethi UKWETYISA KWENGQONDO, yona ilandelwe yincwadi yesithathu ngo2018 ethi SETYISA EZAKWANTU, ze ndayelekelisa ngalo mqulu uthi UMBULALAZWE. Ngeli linge lam lesine ndizama ukubonisa abantu abakhubazekileyo ukuba nabo banako ukwenza ngcono, kwaye bangayekeleli kuba besithi ‘bakhubazekile’. Ndibulela uThixo ngokuthi andenze nam ndikwazi ukuthetha ngosiba, kwaye ndibulela nenkxaso yabantu mbombo zone zomhlaba kuba umntu ngumntu ngabantu.